அழகுப்பிள்ளை அணில் (006)

அழகுப்பிள்ளை அணில்

அழகுப்பிள்ளை பாருங்க
அணில்பிள்ளை தானுங்க
நாணல் பூவாய் வாலுங்க
கோணல் கிளை தாவுங்க

குண்டுமணி கண்ணால
துருதுருக்கும் தன்னால
யாரும்போனால் முன்னால
பாய்ந்து ஏறும் மரம்மேல

அதுவும் சட்டை போட்டது
முதுகில் பட்டை காட்டுது
சின்னக்காலால் பரபரக்கும்
முன்னங்காலால் இரை கொறிக்கும்

கீச்சு கீச்சு குரல்கொடுக்கும்
மரத்துமேல கூடுகட்டும்
வந்தால் அதனை விரட்டாதீர்
சொந்தம் நமக்கு விலக்காதீர்!


நன்றி: பி.செழியரசு, சிறுவர் மணி 09.10.2010