சிற்றெறும்பு
சின்னச் சின்னச் சிற்றெறும்பு
சீரகம் போன்ற புற்றெறும்பு
வண்ண வண்ணக் கட்டெறும்பு
வாயின் கூர்மை வெட்டிரும்பு!
ஒன்றன் பின்னே ஒன்றாக
ஒழுங்காய் ஊர்ந்து சென்றிடுமே
ஒன்றையொன்று முந்திடினும்
ஒற்றுமையாகச் சென்றிடுமே!
ஊர்ந்திடும் எறும்பைக் கண்டோமே
உறங்கிடும் எறும்பைக் கண்டோமா?
சேர்ந்திடும் எல்லாம் ஒன்றாகச்
சேர்க்கும் பொருளை நன்றாக!
எறும்பூரக் கல்தேயும்
என்றோர் பழமொழியும் உண்டாமே!
சிறுகச் சிறுகத் தளராமல்
செய்தொழிலாலே பயனுண்டாம்!
சுறுசுறுப்பில் எறும்பைப்போல்
சிறக்க வேண்டும் பிள்ளைகளே!
விறுவிறுப்பைப் படிப்பினிலே
வளர்க்கவேண்டும் சிறுவர்களே!
- நு.ர.ஆறுமுகம்-- சிறுவர் மணி 15.05.10
Saturday, January 29, 2011
Subscribe to:
Post Comments (Atom)
No comments:
Post a Comment